Publiko: familiarra, 6 urtetik aurrera.
Euskeraz.
“Andereño”
Andereño ausarta, trebea eta atsegina da. Gai da haurren gaitasunak ikusteko, guzti-guztienak.
Andereñok eta umeek eskola eder bat eraiki dute basoan, animalia guztientzako lekua duen eskola bat.
Andereñok gehien maite duen hitza askatasuna da, eta, horregatik, bere ikasleak askatasunez haztea nahi du. Zoritxarrez, nagusiek gerra bat hasiko dute, eta, ondorioz, gure protagonistek atzean utzi beharko dute gogo biziz amestutako eskola, maitasunetik eta elkarren zaintzatik eraikia. Istorio hau libre eta zoriontsu izateko ahalegin zoro eta ederra da. Bertan, andereño ausart haien hitzak bildu dira, belarrira honako hau xuxurlatzen digutenak: libre izateko lehen baldintza saiatzea da.
Anita Maravillas
ANITA MARAVILLAS txotxongilo-antzerkiari erabat eskainitako konpainia da. Prestakuntza eta ikerketa luzea du Bartzelonan hasi zenetik, eta Euskal Herrian sortutako eta ekoitzitako ikuskizunak ditu, ZORNOTZA ARETOArekin eta PORTAL 71 ekoizlearekin lankidetza estuan.
2005ean sortu zuten MIREN LARREAk (Euskal Herria) eta VALENTINA RAPOSOk (Txile). Biak txotxongilo-antzerkiaren teknika ezberdinetan trebatu ziren Pepe Otal, Jordi Bertran edo Cia titiriteroen eskutik. Herta Frankel, harizko txotxongiloaren teknika hobetzera iritsi zirenekin. IVÁN ALONSO konpainian sartzen dira zuzendaritzan eta ION CHÁVEZ argiztapenean. Biak sortzaile eta Anita Maravillas kolektiboaren partaide bihurtu dira.
Konpainiaren sormen-prozesuetan ezinbestekoa da txotxongiloak egiteko tailerra, bertan sortzen dira pertsonaiak eta xehetasunik txikiena ere zaintzen da.
Konpainiak sei ikuskizun ditu: «LOS SUEÑOS DE LEONOR» helduentzat, «SAREAN SUN SUN», «BLUE BIRD», «PINTTO PINTTO» eta «JON BRAUN» familientzat. Azken proposamen horrekin, 3 urte iraun du estatu mailan, eta 2018ko FAMILIA IKUSKIZUN ONENAREN TITIREMURTZIA LAGUNAK saria eskuratu du.
Konpainiak «SARDINA BAKALAU» kale proposamena ere badu. «KOTONDARRAK» edo «LAS COTTON» estreinatu zuten 2021eko urrian, eta, horrekin batera, MAX 2022 sarietarako finalista geratu zen, «familiako haurrentzako ikuskizun onenaren» kategorian, eta txotxongilo ikuskizun onenaren FETEN 2021 saria irabazi zuen.
Gainera, «ANDEREÑO» ikuskizun berrian lan egiten du, Errepublikako andereñoak omentzen dituena, eta 2023ko urriaren 6an estreinatuko dena.
Horiekin guztiekin kritika onak eta ikusleen harrera bikaina jaso dituzte.
