Mairuelegorreta Landa Garapeneko Elkartetik, Gorbeialdeko Landa Garapeneko Eskualdeko Programa egiteko prozesuari hasiera eman zaio.
Programa honek eskualdeko ardatz estrategikoak eta ekintza lerroak zehaztuko ditu eta eskualdea osatzen duten entitate ezberdinen arteko elkarlanari esker gauzatuko da, gure eskualdeko garapen ekonomikoa sendotu eta bizi kalitatea hobetzeko helburuarekin.
Honetarako, prozesu parte hartzailea abiarazi nahi da, gure eskualdeko egungo beharrak, aukerak eta oztopoak identifikatzen laguntzeko. Hortik abiatuta, etorkizunerako nahi dugun ikuspegia guztion artean diseinatu ahal izatea. Dinamika honen lehen pauso gisa, herritarrei honako inkesta abenduaren 10a aurretik betetzea eskatzen zaie.
